Garud Puran:'या' 5 गोष्टी करताना 10 वेळा विचार करा, नरकयातना भोगावी लागेल, गरुडपुराणात महापापांच्या श्रेणीबद्दल म्हटलंय..

Garud Puran: गरुड पुराण हे हिंदू धर्मातील एक महापुराण मानले जाते, ज्यामध्ये भगवान नारायणाने सांगितलेल्या अशा काही गोष्टी, ज्या महापापांच्या श्रेणीत ठेवण्यात आल्या आहेत.

Garud Puran hindu religion astrology marathi news Do not do these 5 things by mistake suffer in hell Garuda Purana says

Garud Puran: हिंदू धर्मात गरुड पुराण हे एक महान पुराण मानले जाते. या गरुडपुराणात सांगितलेल्या सर्व गोष्टी भगवान विष्णूंनी सांगितल्या आहेत. ज्यामध्ये व्यक्तीला स्वर्ग आणि नरक याबद्दल सांगितले आहे. या पुराणात व्यक्तीला त्याच्या कर्मानुसार प्राप्त होणारे फळ देखील तपशीलवार वर्णन केले आहे. या महापुराणाचा उद्देश लोकांना धर्माचा मार्ग दाखवणे हा आहे. गरुड पुराणात असेही सांगितले आहे की कोणते कर्म केल्याने माणसाला मृत्यूनंतर मोक्ष प्राप्त होतो आणि कोणते कर्म घोर पापांच्या श्रेणीत ठेवले जाते. असे करणाऱ्यांना मृत्यूनंतर नरकाची यातना भोगावी लागते. जाणून घ्या नेमकं काय म्हटलंय या पुराणात?

भगवान विष्णू यांच्या मुखातून आलेली प्रत्येक गोष्ट

हिंदू धर्मानुसार गरुड पुराणात लिहिलेली प्रत्येक गोष्ट जगाचा निर्माता भगवान विष्णू यांच्या मुखातून आली आहे. भगवान विष्णूंचे वाहन गरुडाची उत्सुकता भागवून त्यांनी गरुडाच्या सर्व प्रश्नांचे तपशीलवार वर्णन केले. गरुड पुराण हे त्या प्रश्नोत्तरांचे संकलन आहे. या पुराणात अशी काही महापापं सांगितली आहेत, ज्या कृत्यांविषयी एखाद्या व्यक्तीने करण्याचा विचारही करू नये. ही कृती महापाप मानली जाते आणि ती व्यक्ती जिवंत असतानाही आपलं सर्वस्व गमावून बसतात. ही अशी कृत्य जी मृत्यूनंतरही दुःख देतात आणि व्यक्तीला नरकाची यातना भोगावी लागते.

या 5 गोष्टी कधीही करू नका

गर्भ, नवजात किंवा गर्भवती महिलेची हत्या करणे हे महापाप मानले जाते. मृत्यूनंतर अशा व्यक्तीला नरकात अनेक प्रकारच्या यातना दिल्या जातात.

जे लोक महिलांचा अपमान करतात त्यांना अत्याचारी म्हणतात. ते गरोदर स्त्रिया किंवा मासिक पाळीच्या स्त्रियांची चेष्टा करतात, त्यांच्याशी चुकीचे कृत्य करतात, अशा लोकांचे जीवन उद्ध्वस्त होते आणि मृत्यूनंतर त्यांना नरकात कठोर शिक्षा भोगावी लागते.

जे दुर्बल, वृद्ध आणि गरजूंना त्रास देतात आणि त्यांचे शोषण करतात त्यांना मृत्यूनंतर मोठा हिशेब द्यावा लागतो. अशा लोकांना नरकात स्थान मिळते आणि त्यांच्यावर अनेक प्रकारच्या यातना होतात.

जेव्हा एखादी व्यक्ती आपल्या मैत्रिणीवर किंवा इतर कोणत्याही स्त्रीवर त्याच्या द्वेषामुळे वाईट नजर टाकते, तिचे शोषण करते, तिच्याशी गैरवर्तन करते तेव्हा अशा लोकांना मोठ्या पापाचे भागीदार मानले जाते आणि मृत्यूनंतर कठोर शिक्षा दिली जाते.

मंदिरे आणि धर्मग्रंथांची खिल्ली उडवणारे लोकही मोठे पापी मानले जातात. लोकांना योग्य मार्ग दाखवण्यासाठी धर्मग्रंथ आहेत आणि व्यक्तीमध्ये सकारात्मकता आणण्यासाठी आणि त्यांना धर्माच्या मार्गावर आणण्यासाठी मंदिरे बांधली जातात.

तुमचा त्यांच्यावर विश्वास नसेल तर किमान त्यांची चेष्टा करू नका. अशा लोकांना मृत्यूनंतर नरकात स्थान मिळते.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )