Diwali 2025 : घरात लक्ष्मी येण्याआधी मिळतात 'हे' संकेत; चुकूनही दुर्लक्ष करु नका, अन्यथा...

Diwali 2025 : अश्विन महिन्याच्या अमावस्येच्या रात्री लक्ष्मीची पूजा केली जाते. या दिवशी देवी लक्ष्मी तुमच्यावर प्रसन्न आहे की नाही हे काही खास संकेतांनी कळून येते.

Diwali 2025

Source : ABP Web Team

Diwali 2025 : हिंदू धर्मशास्त्रानुसार, दिवाळीचा (Diwali 2025) उत्सव 20 ऑक्टोबरपासून सुरु होणार आहे. अश्विन महिन्याच्या अमावस्येच्या रात्री लक्ष्मीची (Goddess Lakshmi) पूजा केली जाते. या दिवशी देवी लक्ष्मी तुमच्यावर प्रसन्न आहे की नाही हे काही खास संकेतांनी कळून येते. या संकेतांकडे दुर्लक्ष करु नका. 

'या' संकेतांकडे कधीही दुर्लक्ष करु नका 

• असं म्हणतात की, दिवाळीच्या रात्री धनाची देवी लक्ष्मी स्वत: पृथ्वीवर भ्रमण करते. यासाठीच लोक दिवाळीच्या आधी घराची साफसफाई करतात. घराची सजावट करतात. पूजा करतात. जेणेकरुन, देवी लक्ष्मी प्रसन्न होऊन घरात प्रवेश करेल. या ठिकाणी आपण असे कोणते संकेत आहेत ज्यामुळे देवी प्रसन्न आहे की नाही हे कळू शकेल ते जाणून घेऊयात. 
• जर तुम्हाला दिवळीच्या रात्री घुबड दिसलं तर समजून जा की तुमचं भाग्य उजळणार आहे. कारण घुबड हे देवी लक्ष्मीचं वाहन आहे. यावरुन देवी लक्ष्मी तुमच्यावर प्रसन्न आहे आणि तुमच्या जीवनातील सर्व आर्थिक समस्या दूर होतील असा संकेत मिळतो. 
• जर, अचानक तुळस हिरवीगार दिसत असेल तर आणि तुमच्या घरात पैसा आला असेल तर तुमच्या घरात देवी लक्ष्मीचं आगमन झालं आहे हा संकेत आहे. या काळात तुम्हाला चांगला लधनलाभ मिळेल. 
• तसेच, जर तुमची खूप प्रगती झाली, तुम्हाला पैसा मिळाला, समाजात मान-सन्मान मिळाला तर तुमच्या जीवनात लवकरच चांगले दिवस सुरु झालेत हा संकेत मिळेल. याचाच अर्थ असा की, देवी लक्ष्मीची कृपा असण्याचा हा संकेत आहे. 
• अनेकदा काही कारण नसताना घराच्या आसपास दुर्गंधी येत असेल तर हा गंभीर वास्तूदोष  नकारात्मकतेचा संकेत देतो. त्याचप्रकारे, जेव्हा सकारात्मकता वाढते तेव्हा देवी लक्ष्मी प्रसन्न होते. तसेच, घराच्या आजूबाजूला सुवास पसरु लागतो. 
• या व्यतिरिक्त जे लोक कनकधारेच्या स्त्रोताचं पठण करतात, दान-धर्म करतात अशा लोकांवर देवीची सदैव कृपा असते. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :