Astrology : आज गुरुआदित्य योगासह जुळून आले अनेक शुभ संयोग; 'या' 5 राशींना बंपर लाभ, लक्ष्मी कृपेने घरात येईल पैसा; नशिबाचे योग

Astrology Panchang Yog 26 June 2025 : वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींना मिळणार आहे. या राशी नेमक्या कोणत्या ते जाणून घेऊयात. 

Astrology Panchang Yog 26 June 2025

Source : ABP Web Team

Astrology Panchang Yog 26 June 2025 : वैदिक ज्योतिष शास्त्रानुसार, आज 26 जूनचा दिवस म्हणजेच आजचा वार गुरुवार. आजच्या दिवशी देवी लक्ष्मीची पूजा करतात. तसेच, दत्तगुरुंचा आशीर्वाद घेतात. आज चंद्राने मिथुन राशीत प्रवेश केला आहे. तसेच, आजच्या दिवशी गजकेसरी योग (Yog) आणि आदित्य योगासारखे शुभ संयोग जुळून आले आहेत त्यामुळे आजचा दिवस फार खास असणार आहे. 

वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींना मिळणार आहे. या राशी नेमक्या कोणत्या ते जाणून घेऊयात. 

मेष रास (Aries Horoscope)

मेष राशीसाठी आजचा दिवस फार शुभ असणार आहे. आज तुमच्या व्यवसायात चांगलं यश मिळेल. तसेच, कामाच्या ठिकाणी सहकाऱ्यांचा चांगला पाठिंबा मिळेल. समाजात तुमच्या नावाचं कौतुक केलं जाईल. जोडीदाराबरोबर तुमची वागणूक चांगली असेल. तसेच, तुमचं मन प्रसन्न राहील. नवीन गोष्टी शिकता येतील. 

मिथुन रास (Gemini Horoscope)

मिथुन राशीसाठी आजचा दिवस फार खास असणार आहे. आज तुम्हाला तुमच्या मनासारखं काम करता येईल. तसेच, सहकाऱ्यांकडून देखील चांगली वागणूक मिळेल. संवादकौशल्य चांगलं असेल. लहान मुलांच्या बुद्धीचा विकास झालेला दिसेल. आजच्या दिवशी तुम्ही काही महत्त्वाचा निर्णय देखील घेऊ शकता. 

सिंह रास (Leo Horoscope)

सिंह राशीसाठी आजचा दिवस उमेदीचा असणार आहे. समाजात तुमचा मान-सन्मान वाढलेला दिसेल. तसेच, तुमची परिस्थिती पूर्वीपेक्षा अनुकूल असेल. भावा-बहि‍णींबरोबर चांगले संबंध निर्माण होतील. तसेच, भौतिक सुख-सुविधांचा तुम्हाला लाभ घेता येईल. तसेच, तुमची सामाजिक स्थिती सुधारलेली असेल. 

धनु रास (Sagittarius Horoscope)

धनु राशीसाठी आजचा दिवस भाग्याचा असणार आहे. नवीन कार्य सुरु करण्यासाठी आजचा दिवस चांगला आहे. तसेच, पैशांची गुंतवणूक करण्यासाठी सुद्धा आजचा दिवस अनुकूल असणार आहे. आज काही नवीन नाती जोडली जातील. आर्थिक स्थिती तुमची सुधारलेली असेल. 

मीन रास (Pisces Horoscope)

मीन राशीसाठी आजचा दिवस फार अनुकूल असणार आहे. आज तुम्ही नवीन वस्तूंची खरेदी करु शकता. संपत्तीचा लाभ तुम्हाला घेता येईल. तसेच, मित्र-मैत्रीणींचा चांगला सहवास लाभेल. नवीन गोष्टी शिकता येतील. सामाजिक परिवर्तन दिसून येईल. आज तुम्हाला मानसिक शांती मिळेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :