Astrology : आज सर्वार्थ सिद्धी योगासह जुळून आले अनेक शुभ योग; मेषसह 'या' 5 राशींचं भाग्य उजळणार, लक्ष्मीची राहणार कृपा
Panchang 19 May 2024 : आज रविवारचा दिवस हा अनेक शुभ योगांनी संपन्न झाला आहे, याचा लाभ मुख्यत्वे 5 राशींना होणार आहे. या 5 राशींना आज आर्थिक लाभ होईल आणि त्यांच्याकडे विविध स्रोतांतून पैसा येईल. आजच्या भाग्यवान राशी नेमक्या कोणत्या? जाणून घेऊया.
Astrology 19 May 2024 : आजचा दिवस अनेक शुभ योगांनी संपन्न झाला आहे. आज चंद्र कन्या राशीत भ्रमण करणार आहे. तसेच आज वैशाख महिन्यातील शुक्ल पक्षातील एकादशी तिथी असून या तिथीला मोहिनी एकादशीचं व्रत पाळलं जातं. पौराणिक मान्यतेनुसार, या तिथीला भगवान विष्णूंनी मोहिनी अवतार घेतला होता. मोहिनी एकादशीच्या दिवशी द्विपुष्कर योग, सर्वार्थ सिद्धी योग, अमृत सिद्धी योग आणि हस्त नक्षत्र यांचा शुभ संयोग होत असल्याने आजचं महत्त्व अधिकच वाढलं आहे. वैदिक ज्योतिष शास्त्रानुसार, मेष, सिंह आणि मकर राशीसह 5 राशींना (Zodiac Signs) सीता नवमीच्या दिवशी शुभ योगाचा फायदा होईल.
मेष रास (Aries)
आजचा दिवस मेष राशीच्या लोकांसाठी चांगला असणार आहे. मेष राशीच्या लोकांचं मन आज शांत राहतील. भविष्यासाठी ते काही योजना करू शकतात. लव्ह लाईफमध्ये असलेल्यांचं नातं आज अधिक घट्ट होईल. तुम्ही घरातील लहान मुलांसह काही नवीन वस्तू खरेदी करू शकता, जी प्रत्येकासाठी खूप उपयुक्त ठरतील. व्यावसायिक आज व्यवसायाशी संबंधित निर्णय घेऊ शकतील. आज तुमची आर्थिक स्थिती खूप चांगली असेल आणि पैशाशी संबंधित बाबींमध्ये तुम्हाला नफा मिळेल. कौटुंबिक जीवन चांगलं राहील आणि सर्व सदस्यांमध्ये परस्पर प्रेम राहील.
कर्क रास (Cancer)
कर्क राशीच्या लोकांसाठी आजचा दिवस शुभ असणार आहे. कर्क राशीचे लोक आज सर्व प्रकारच्या आव्हानांना सामोरे जाण्यास सक्षम असतील. आज अनेक प्रभावशाली लोकांशी त्यांची ओळख वाढेल. या राशीच्या ज्या विद्यार्थ्यांना उच्च शिक्षणासाठी परदेशात जायचं आहे, त्यांना आज काही चांगली बातमी मिळू शकते. आज नशिबाने साथ दिली तर तुमच्या मेहनतीला यश मिळेल आणि तुम्ही तुमच्या क्षेत्रात नाव कमवू शकाल. भागीदारीत काम करणाऱ्यांना आज चांगला नफा मिळेल आणि तुमचे तुमच्या भागीदारासोबतचे संबंधही चांगले राहतील, ज्यामुळे व्यवसायात वाढ होईल. आज तुम्ही अचानक मित्रांसोबत कुठेतरी बाहेर जाऊ शकता. पालकांसोबत चांगला वेळ घालवाल.
तूळ रास (Libra)
तूळ राशीच्या लोकांसाठी आजचा दिवस खूप फायदेशीर असणार आहे. तूळ राशीचे लोक आज पैसे कमवण्याचे नवीन मार्ग शोधतील. आजपासून तुम्हाला तुमच्या मेहनतीचं चांगलं फळ मिळेल आणि तुम्हाला प्रत्येक क्षेत्रात चांगल्या संधीही मिळतील. आजपासून तुम्ही ज्या क्षेत्रात काम कराल त्या क्षेत्रात प्रगतीची शक्यता आहे. भगवान विष्णूच्या कृपेने तुमची कोणतीही अपूर्ण इच्छा पूर्ण होऊ शकते. नोकरदार लोक प्रगतीसाठी काही योजना बनवतील. व्यवसाय करणाऱ्यांना आज अनेक चांगल्या संधी मिळू शकतात आणि पैसेही मिळू शकतात. वैवाहिक जीवनाबद्दल बोलायचं झालं तर, तुमचं जोडीदारासोबत नातं घट्ट राहील.
धनु रास (Sagittarius)
आजचा दिवस धनु राशीच्या लोकांसाठी खूप शुभ असणार आहे. धनु राशीच्या लोकांच्या आत्मविश्वासात आज वाढ होईल. आज तुमच्या बोलण्यात गोडवा असेल, तुम्ही तुमच्या बोलण्याने लोकांना प्रभावित कराल. आज व्यावसायिकांना मोठी डील मिळू शकते, ज्यामुळे त्यांना चांगला नफा मिळेल आणि आर्थिक स्थिती सुधारेल. तुम्हाला आज मालमत्तेशी संबंधित एखादी मोठी डील मिळू शकते, जी आर्थिकदृष्ट्या खूप फायदेशीर ठरेल. वैवाहिक जीवनाबद्दल सांगायचं तर, तुम्ही तुमच्या जोडीदाराला एखादी भेट देऊ शकता, ज्यामुळे तुमचं नातं आणखी घट्ट होईल आणि दोघेही खूप आनंदी राहाल. आज कुटुंबात सुख-शांती राहील आणि सर्व सदस्य आपापल्या कामात व्यस्त राहतील.
कुंभ रास (Aquarius)
आजचा दिवस कुंभ राशीच्या लोकांसाठी फायदेशीर ठरणार आहे. कुंभ राशीच्या लोकांच्या व्यक्तिमत्वाच आज सुधारणा होईल. तुमचं आरोग्य देखील पूर्णपणे तंदुरुस्त राहील. तुमच्या जोडीदाराशी तुमचे संबंध अनुकूल राहतील. तुम्हाला तुमच्या करिअरमध्ये अनेक सुवर्ण संधी मिळतील, ज्यामुळे तुम्हाला तुमची स्वप्नं साकार करण्याची संधी मिळेल. तुम्हाला व्यवसायात पैसे मिळवण्याच्या अनेक संधी मिळतील आणि तुम्ही प्रत्येक कामात उत्साहाने सहभागी व्हाल. अविवाहित लोकांना आज कोणी खास व्यक्ती भेटू शकते, जी त्यांना खूप खुश करेल. जे लोक प्रेमात आहेत ते जोडीदारासोबत रोमँटिक डिनर डेटवर जाऊ शकतात आणि एकमेकांसोबत निवांत क्षण घालवू शकतात. तुम्हाला कुटुंब आणि घरातील वडीलधाऱ्यांसोबत वेळ घालवण्याची संधी मिळेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
महत्त्वाच्या बातम्या
ट्रेंडिंग न्यूज
