शेतकऱ्यांना दिलासा! पिकांच्या नुकसानीपोटी मिळणार 596 कोटी रुपये, कोणत्या विभागात किती मिळणार मदत? 

नुकसानग्रस्त शेतकऱ्यांना राज्य सरकारनं 596 कोटी रुपयांची मदत जाहीर केली आहे. दरम्यान, कोणत्या विभागात किती मदत मिळाली याबाबतची माहिती पाहुयात.

Agriculture News Maharashtra govt Farmers

Source : Agriculture News Maharashtra govt Farmers

Agriculture News : अवकाळी पावसामुळं (unseasonal rain) राज्यातील शेतकऱ्यांच्या पिकांचं मोठं नुकसान (Heavy loss of crops) झालं होतं. या नुकसानग्रस्त शेतकऱ्यांना (Farmers) सरकारनं मोठा दिलासा दिला आहे. नुकसानग्रस्त शेतकऱ्यांना राज्य सरकारनं 596 कोटी रुपयांची मदत जाहीर केली आहे. दरम्यान, कोणत्या विभागात किती नुकसान झालं आहे? आणि किती मदत मिळणार आहे, याबाबतची सविस्तर माहिती पाहुयात. 

विविध संकटामुळं बळीराजा सातत्यानं चिंतेत

विविध संकटामुळं बळीराजा सातत्यानं चिंतेत आहे. कधी आस्मानी संकट येतं. तर कधी सुलतानी संकट येत. कधी दुष्काळ असतो तर कधी अतिवृष्टी, अवकाळी पाऊस याचा फटका शेतकऱ्यांना बसतो. परिणामी हाती आलेली पिकं वाया जातात. यावर्षी राज्यात अवकाळी पावसाचा जोर पाहायला मिळाला होता. याचा मोठा फटका शेती पिकांना बसला होता. शेतकऱ्यांची उभी पिकं आडवी झाली होती. याचा मोठा आर्थिक फटका शेतकऱ्यांना बसला होता. यामुळं सरकारनं शेतकऱ्यांना दिलासा देण्यासाठी 596 कोटी रुपयांची मदत जाहीर केली आहे. 

कोणत्या विभागात किती आर्थिक मदत ?

सरकारनं दिलेल्या माहितीनुसार, नाशिक विभागात 37 हजार 422 हेक्टरवरीला पिकांना फटका बसला होता. 73 हजार 567 शेतकऱ्यांच्या पिकांचं नुकसान झालं आहे. या शेतकऱ्यांना नुकसानीपोटी सरकारनं 108 कोटी 21 लाख रुपयांची आर्थिक मदत जाहीर केली आहे. तर अमरावती विभागातील शेतकऱ्यांसाठी 382 कोटी रुपयांची मदत जाहीर केली आहे. अमरावती विभागातील 21 हजार 362 शेतकऱ्यांचे नुकसान झाले होते. या विभागात 1 लाख 38 हजार 253 हेक्टरवरील पिकांना फटका बसला होता. तर नागपूर विभागात 3 लाख 54  हजार 756  शेतखऱ्यांच्या  2 लाख 17 हजार 690 हेक्टरवरील पिकांना फटका बसला होता. यासाठी सरकारनं 100 कोटी रुपयांची आर्थिक मदत जाहीर केली आहे. तर पुणे विभागात 2 हजार 297 शेतकऱ्यांचे 1 हजार 657 हेक्टरवरील पिकांचे नुकसान झाले होते. या शेतकऱ्यांना 5 कोटी 83 लाखांची मदत जाहीर झालीय. दरम्यान, नागपूर आणि अमरावती विभागातील शेतकऱ्यांना 482 कोटी रुपयांची मदत जाहीर झालीय. ही मदत थेट शेतकऱ्यांच्या बँक खात्यात जमा केली जाणार आहे. 

नुकसानभरपाईपोटी मिळालेल्या निधीतून बँकांनी पीक कर्जाची वसुली करु नये 

दरम्यान, शेतकऱ्यांना नुकसानभरपाईपोटी मिळालेल्या निधीतून बँकांनी पीक कर्जाची वसुली करु नये असे निर्देश देखील राज्य सरकारनं दिले आहेत. त्यामुळं शेतकऱ्यांना एक प्रकारे दिलासा मिळाला आहे. 

महत्वाच्या बातम्या: