Agricultural Census : देशातील 11 व्या कृषी गणनेचा प्रारंभ, प्रथमच स्मार्ट फोन आणि टॅबलेटचा होणार वापर

देशातील 11 व्या कृषी गणनेचा (Agricultural Census) ) प्रारंभ करण्यात आला आहे. यासाठी प्रथमच स्मार्ट फोन आणि टॅबलेटचा वापर होणार आहे.

Agricultural Census

Agricultural Census : देशातील 11 व्या कृषी गणनेचा (Agricultural Census) ) प्रारंभ करण्यात आला आहे. केंद्रीय कृषी आणि शेतकरी कल्याण मंत्री नरेंद्र सिंह तोमर ( Narendra Singh Tomar) यांच्या उपस्थितीत कृषी गणनेचा प्रारंभ करण्यात आला. कृषी गणनेत डेटा संकलनासाठी प्रथमच स्मार्ट फोन आणि टॅबलेटचा होणार वापर होणार आहे. भारतासारख्या विशाल आणि कृषीप्रधान देशात या गणनेमुळं मोठा फायदा होणार असल्याचे मत यावेळी कृषीमंत्री नरेंद्र सिंह तोमर यांनी व्यक्त केलं.

कृषी गणनेत तंत्रज्ञानाचा पुरेपूर वापर करण्याची हीच वेळ 

पंतप्रधान नरेंद्र मोदी यांच्या नेतृत्वाखाली शेतकऱ्यांचे उत्पन्न वाढवण्यावर भर दिला जात आहे. त्यांच्या राहणीमानात परिवर्तन घडवण्याबरोबरच लहान शेतकऱ्यांच्या सक्षमीकरणासाठी त्यांना  संघटित करणे. तसेच त्यांना फायदेशीर पिकांकडे आकर्षित करणे आणि जागतिक मानकांच्या बरोबरीने उत्पादनाची गुणवत्ता सुनिश्चित करणे आवश्यक असल्याचे तोमर म्हणाले. पंतप्रधान नरेंद्र मोदींनी उचललेल्या ठोस पावलांचे फळ कृषी क्षेत्राला मिळत आहे. देश वेगाने डिजिटल शेतीकडे वाटचाल करत आहे. या गणनेत तंत्रज्ञानाचा पुरेपूर वापर करण्याची हीच वेळ आहे. कृषी गणनेचा व्यापक दृष्टिकोनातून विचार व्हायला हवा, असेही ते म्हणाले. कृषी गणनेमुळे पिकांच्या मॅपिंगमध्येही योगदान मिळू शकते, जेणेकरून देशाला त्याचे फायदे मिळतील. तोमर यांनी केंद्रीय विभाग, राज्य सरकारे आणि संबंधित संस्थांना ही गणना पूर्ण निष्ठेनेने पार पाडण्यास सांगितले.

मार्गदर्शक तत्वांच्या पुस्तिकेचे प्रकाशन

दरम्यान, यावेळी तोमर यांनी राज्ये, केंद्रशासित प्रदेशांच्या वापरासाठी गणनेच्या कार्यान्वयन मार्गदर्शक तत्वांच्या पुस्तिकेचे प्रकाशन देखील केले. तसेच डेटा संकलन पोर्टल, अ‍ॅप देखील सुरु केले आहे. कृषी गणना दर पाच वर्षांनी केली जाते. कोरोना महामारीमुळं विलंबानंतर ही गणना आता हाती घेतली जात आहे. कृषी जनगणनेचे प्रत्यक्ष कार्य ऑगस्ट 2022 मध्ये सुरु होईल. कृषी जनगणना हा तुलनेने सूक्ष्म पातळीवर विविध कृषी मापदंडांवर माहितीचा मुख्य स्त्रोत आहे, जसे की ऑपरेशनल होल्डिंगचा आकडा आणि क्षेत्र, त्यांचा आकार, वर्गवार वितरण, जमीन वापर, भाडेकरार आणि पीक पद्धती. कृषी गणनेसाठी प्रथमच डेटा संकलन स्मार्ट फोन आणि टॅब्लेटवर केले जाईल. जेणेकरुन डेटा वेळेत उपलब्ध होईल. बहुतेक राज्यांनी त्यांच्या जमिनीच्या नोंदी आणि सर्वेक्षणांचे डिजिटायझेशन केले आहे. ज्यामुळे कृषी गणनेच्या डेटाच्या संकलनाला गती मिळेल. डिजिटलाइज्ड भूमी अभिलेखांचा वापर आणि डेटा संकलनासाठी मोबाइल अॅप्सचा वापर देशातील ऑपरेशनल होल्डिंग डेटाबेस तयार करण्यास सक्षम करेल. तांत्रिक सत्रादरम्यान, कृषी गणना अंमलबजावणी प्रक्रिया आणि वेब पोर्टल आणि मोबाइल अॅपची ठळक वैशिष्ट्ये प्रदर्शित करण्यात आली आहे.

महत्त्वाच्या बातम्या: