Bajrang Punia | बजरंग पुनिया 'नंबर वन'; रोममधल्या मॅटिओ पेलिकॉन रॅन्किंग मालिकेत सुवर्णपदक

भारताचा पैलवान बजरंग पुनियानं रोममधल्या मॅटिओ पेलिकॉन रॅन्किंग मालिकेत सुवर्णपदकाची कमाई केली आहे. या कामगिरीनं त्याला जागतिक कुस्ती महासंघाच्या 65 किलो गटाच्या क्रमवारीत पहिला नंबर पुन्हा मिळवून दिला आहे. या स्पर्धेच्या फायनलमध्ये बजरंग पुनिया आणि मंगोलियाचा टुल्गा तुमूर ओचिर यांच्यात अटीतटीची कुस्ती झाली. भारतीय पैलवानानं अखेरच्या तीस सेकंदांत दोन गुणांची कमाई करून ओचिरला 2-2 असं बरोबरीत रोखलं. या कुस्तीत बजरंगनं अखेरची गुणकमाई केल्याच्या निकषावर त्याला विजयी घोषित करण्यात आलं. या कामगिरीनं बजरंग पुनियाला जागतिक कुस्ती महासंघाच्या 65 किलो गटाच्या क्रमवारीत पहिला नंबर मिळवून दिला. या स्पर्धेआधी तो क्रमवारीत दुसऱ्या स्थानावर होता.