ICC T20 World Cup 2021 : दक्षिण आफ्रिकेचा श्रीलंकेवर सनसनाटी विजय ABP Majha

डेव्हिड मिलर आणि कागिसो रबाडा धडाकेबाज भागिदारीनं दक्षिण आफ्रिकेला श्रीलंकेवर चार विकेट्सनी सनसनाटी विजय मिळवून दिला. त्या दोघांनी अवघ्या १५ चेंडूंमध्ये ३४ धावांची अभेद्य भागीदारी रचून ट्वेन्टी ट्वेन्टी विश्वचषकात दक्षिण आफ्रिकेचा दुसरा विजय साजरा केला. मिलरनं १३ चेंडूंत नाबाद २३ आणि रबाडानं सात चेंडूंत नाबाद १३ धावांची खेळी केली. त्याआधी दक्षिण आफ्रिकेचा कर्णधार टेम्बा बावुमानं ४६ चेंडूंत ४६ धावांची खेळी उभारली. त्याआधी दक्षिण आफ्रिकी गोलंदाजांनी श्रीलंकेचा डाव २० षटकांत १४२ धावांत गुंडाळला. दक्षिण आफ्रिकेच्या तबरेझ शम्सी आणि ड्वेन प्रिटोरियसनं प्रत्येकी तीन, तर अॅनरिच नॉर्तएनं दोन फलंदाजांना माघारी धाडलं.