Sharad Pawar - Jayant Patil : नाराजी अस्वस्थतेच्या चर्चांना पुर्णविराम? जयंत पाटील-शरद पवार एकत्र

Vijay Wadettivar: शक्तीपीठ मार्गाच्या विरोधातल्या मोर्चात मुंबईत झालेल्या आंदोलनात' माझ्यावर विश्वास ठेवू नका माझं काही खरं नाही' असं म्हणत जयंत पाटलांनी अनेक शंकांना वाट मोकळी करून दिली. त्यानंतर राजकीय वर्तुळात चांगलीच चर्चा रंगली आहे.  जयंत पाटील लवकरच अजित पवारांच्या राष्ट्रवादीत दिसतील अशी चर्चा सुरू झाली आहे. दरम्यान जयंत पाटील एका पक्षाचे मोठे नेते आहेत. त्यांच्या बोलण्यातून आजकाल नाराजी जाणवत असल्याचं काँग्रेस नेते विजय वडेट्टीवर म्हणालेत. दरम्यान सत्ताधारी अशा वावड्या उठवून कुरघोड्या करतच असतात असं म्हणत वडेट्टीवारांनी सरकारवर निशाणा साधला. (Vijay Wadettiwar On Jayant Patil) नागपूरमधून ते बोलत होते.

काय म्हणाले वडेट्टीवार?

जयंत पाटील एका पक्षाचे मोठे नेते आहेत. त्यांच्या बोलण्यातून नाराजी जाणवते. त्यांच्या बोलण्याचा नेमका अर्थ काय? आपण फक्त अंदाज बांधू शकतो. छत्रपती मार्गासाठी मोर्चा होता. त्या ठिकाणी मी होतो. पण कुठल्या अर्थाने ते बोलले हे मला माहित नाही. या सगळ्या बावड्या होत्या. बदनाम करण्यासाठी सत्ताधारी वावड्या उठवत असतात. कुरघोड्या सुरू असतात. मुनगंटीवार यांचे भाषण ऐकल्यावर फडणवीस यांची कृपा दिसते. त्यांच्या उपकाराखाली तर दबले आहेत. त्यामुळे अनेक जण पक्ष सोडून गेलेत.