Politics : कोकणात ठाकरे गटाकडून मोर्चेबांधणी, उदय सामंत यांच्याविरोधात उमेदवारासाठी शोध सुरू

कोकणात ठाकरे गटाकडून जोरदार मोर्चेबांधणी करण्यास सुरूवात झाली आहे. ठाकरेंची साथ सोडून एकनाथ शिंदेंसोबत गेलेल्या उदय सामंत यांच्याविरोधात उमेदवारासाठी आतापासून शोध सुरू झाला आहे. रत्नागिरी - संगमेश्वर या उदय सामंत यांच्या विधानसभा मतदारसंघामध्ये राजापूर-लांजा मतदारसंघाचे विद्यमान आमदार राजन साळवी यांना विचारणा करण्यात आली आहे. पण, साळवी अद्याप तरी रत्नागिरीमधून लढण्यास राजी होत नसल्याची माहिती सुत्रांनी दिली आहे. दरम्यान, पक्षानं सांगितल्यास रत्नागिरीमधून देखील लढेन, अशी प्रतिक्रिया गुहागरचे ठाकरे गटाचे आमदार भास्कर जाधव यांनी दिली होती.