Shivsena निवडणूक चिन्हं गोठवण्याच्या निर्णयाविरोधातील याचिकेवर आज सुनावणी नाही : ABP Majha

शिवसेनेचं निवडणूक चिन्हं गोठवण्याच्या निवडणूक आयोगाच्या निर्णयाविरोधात ठाकरे गटानं दिल्ली हायकोर्टात दाखल केलेल्या याचिकेवर आज सुनावणी होणार नाही. शिवसेनेचं नाव आणि धनुष्यबाण चिन्हाबाबत आयोगानं घाईघाईत एकतर्फी निर्णय दिला असा आक्षेप ठाकरे गटानं घेतलाय. शिवसेनेनं याचिका दाखल केल्यानंतर शिंदे गटानेही हायकोर्टात कॅव्हेट दाखल केलंय. आयोगानं बाजू मांडायची संधी दिली नाही आणि नैसर्गिक न्यायाच्या तत्त्वांचं पालन केलं नाही, असं ठाकरे गटाचं म्हणणं आहे. या याचिकेची सुनावणी आज हायकोर्टाच्या कामकाजात नाही. त्यामुळे आता ही सुनावणी कधी होणार याकडे राजकीय वर्तुळाचं लक्ष असेल