PM Narendra Modi Palghar Visit : पंतप्रधान मोदींच्या हस्ते सूर्या प्रकल्पाचं लोकार्पण

PM Narendra Modi Palghar Visit : पंतप्रधान मोदींच्या हस्ते सूर्या प्रकल्पाचं लोकार्पण पालघरमधल्या सूर्या नदीवरच्या नव्या पाणीपुरवठा प्रकल्पाचं पंतप्रधान नरेंद्र मोदी यांच्या उपस्थितीत उद्या ऑनलाईन लोकार्पण करण्यात येणार आहे. पालघर जिल्ह्यातून वाहणाऱ्या सूर्या नदीवर धामणी आणि कवडास ही मोठी धरणं असून या धरणांमधून वसई विरार महापालिकेसह पालघर जिल्ह्यातील प्रमुख शहरं आणि बोईसर तारापूर औद्योगिक कार्यक्षेत्राला आजवर पाणीपुरवठा होत आहे. याच प्रकल्पाच्या उजव्या आणि डाव्या कालव्यामधून आसपासच्या शंभर गावांमधली जमीन ओलिताखाली आली आहे. आता कवडास धरणाची उंची आणखी वाढवून, या धरणाची पाणी साठवण्याची क्षमता वाढवण्यात आली आहे. एमएमआरडीएकडून यापुढच्या काळात वसई विरार शहरांसह आसपासच्या ६४ गावांना आणि मिरा भाईंदर महापालिकेला मिळून ४०३ एमएलडी पाणीपुरवठा करण्यात येणार आहे. या प्रकल्पाचा आढावा घेतला आहे आमचा प्रतिनिधी संतोष पाटीलनं.