Nashik Lok Sabha : भाजपचे उमेदवार माघारीसाठी शेवटच्या क्षणी दाखल,गोडसेंची धावपळ,काय घडलं?

Nashik Lok Sabha Constituency : नाशिक लोकसभा मतदारसंघाच्या निवडणुकीसाठी उमेदवारी अर्ज मागे घेण्याचा आज अखेरचा दिवस आहे. नुकताच शिवसेना शिंदे गटात प्रवेश केलेल्या विजय करंजकर (Vijay Karanjkar) यांनी माघार घेतली आहे. विजय करंजकर यांनी महायुतीचे उमेदवार हेमंत गोडसेंना (Hemant Godse) जाहीर पाठींबा दिला आहे. तर भाजपचे इच्छुक उमेदवार अनिल जाधव (Anil Jadhav) यांनी देखील उमेदवारी अर्ज दाखल केला होता. मात्र अनिल जाधव हे उमेदवारी अर्ज माघारी घेण्यासाठी अवघे काही मिनिटं बाकी असतानाच जिल्हाधिकारी कार्यालयात हजर झाल्याने हेमंत गोडसेंची चांगलीच धावपळ उडाल्याचे दिसून आले. 

नाशिक लोकसभा मतदारसंघातून (Nashik Lok Sabha Constituency) निवडणूक लढवण्यासाठी अनिल जाधव हे भाजपकडून (BJP) इच्छुक होते. नाशिकची जागा ही शिवसेना शिंदे गटाला (Shiv Sena) सुटली आणि हेमंत गोडसे यांना पुन्हा एकदा उमेदवारी देण्यात आली. अनिल जाधव हे नाशिकमधून निवडणूक लढवण्यावर ठाम होते. मात्र   उपमुख्यमंत्री देवेंद्र फडणवीस (Devendra Fadnavis) यांच्या शिष्टाईनंतर भाजपचे बंडखोर अनिल जाधव यांची नाशिक लोकसभेच्या निवडणुकीतून माघार घेतली.