Ashok kharat on Shivani Ka Mandir : 'शिवनिका' मंदिर पाडून टाकण्याचा सल्ला

भोंदूगिरी करून स्त्रियांचं शोषण करणाऱ्या अशोक खरातचे एकेक कारनामे आता जगासमोर येत आहेत. स्वतःच्या ईशान्येश्वर मंदिराचं महत्त्व वाढावं यासाठी ज्या वावी गावात तो शिकला त्याच गावातल्या पुरातन मंदिराचाही अवमान खरातने केल्याचं उघड झालंय. एबीपी माझाचे प्रतिनिधी खरातच्या वावी गावात पोहोचले. तिथलं धक्कादायक वास्तव जाणून घेतलं. वावी गावात पुरातन यादवकालीन शिवमंदिर आहे. हे मंदिरच पाडून टाकण्याचा सल्ला भोंदू खरातने ग्रामस्थांना दिला. एवढ्यावरच हा महाभाग थांबला नाही. त्याने मंदिरात नकारात्मक ऊर्जा असल्याची बतावणी केली. हे सांगताना त्याने शिवलिंगाकडे पाय करत ग्रामस्थांच्या भावनाही दुखावल्या. गावकऱ्यांचा विश्वास बसावा यासाठी तो एका मोबाईल ॲपच्या माध्यमातून लोकांची फसवणूक करत होता. त्याचे हे सगळे प्रकार सुरू होता मिरगावातल्या शिवनिका मंदिराकडे लोकांचा ओढा वळावा ासाठी... मात्र गावातल्या तरूणांच्या लक्षात त्याची ही भोंदूगिरी आली. त्यांनी मंदिर पाडण्याचा खरातचा सल्ला धुडकावला... माझाकडे ग्रामस्थांनी संताप व्यक्त केलाय.