Yamini Jadhav South Mumbai Lok Sabha : मी खासदार होणारच, मतदानानंतर यामिनी जाधव यांची प्रतिक्रिया

Yamini Jadhav South Mumbai Lok Sabha : मी खासदार होणारच, मतदानानंतर यामिनी जाधव यांची प्रतिक्रिया

लोकसभा निवडणुकीच्या पाचव्या टप्प्यासाठी आज मतदान होणार आहे. देशातील एकूण ६ राज्यं आणि दोन केंद्रशासित प्रदेशात ४९ जागांसाठी मतदान पार पडणार आहे. महाराष्ट्रातला हा मतदानाचा शेवटचा टप्पा असेल. मुंबईतील सर्व सहा मतदारसंघ, ठाणे, कल्याण, भिवंडी, नाशिक, दिंडोरी आणि धुळे या १३ जागांवर आज मतदार आपला हक्क बजावणार आहेत. डॉ. श्रीकांत शिंदे, नरेश म्हस्के, मिहिर कोटेचा, अरविंद सावंत, अनिल देसाई, उज्ज्वल निकम, अमोल कीर्तिकर, पियुष गोयल अशा दिग्गजांचं भवितव्य आज ईव्हीएममध्ये कैद होणार आहे. 

मतदान करा, आरोग्य तपासणी मोफत करून घ्या, देव देश प्रतिष्ठानचा उपक्रम

मतदान हे कर्तव्य असले तरी देशात मतदानाचा टक्का घसरताना दिसत आहे. त्यामुळे विविध सामाजिक संघटना याबाबत जनजागृती करताना दिसत आहे. मुंबईसह देशभरात आरोग्य क्षेत्रात सामाजिक कार्य करणाऱ्या देव देश प्रतिष्ठान ने मतदारांना जास्तीत जास्त मतदान करण्याचे आवाहन केले आहे. तसेच जो मतदार मतदान करेल त्यांना देव देश प्रतिष्ठानशी संलग्न असलेल्या घाटकोपर, ठाणे, बदलापूर येथील क्लिनिकमध्ये मोफत आरोग्य तपासणी आणि उपचार मिळणार आहे. दि २६ रोजी सकाळी ११ ते १ वाजेपर्यंत हे तपासणी शिबिर असणार आहे. डॉ. विनायक अवकीरकर यांच्या संकल्पनेतून हा उपक्रम राबविण्यात येत असून प्रतिष्ठान चे अध्यक्ष डॉ.वैभव देवगिरकर यांनी जास्तीत जास्त नागरिकांनी मतदान करण्याचा आणि या उपक्रमाचा जास्तीत जास्त लाभ घेण्याचे आवाहन मतदारांना केले आहे.