Mumbai : पाईपलाईन दुरुस्तीसाठी खोदलेल्या खड्ड्यात पडून 2 चिमुरड्यांचा मृत्यू : ABP Majha

Mumbai Crime News : मुंबईच्या अॅन्टॉप हिल परिसरात गार्डनमध्ये खेळत असताना खड्ड्यात पडून 2 लहान मुलांचा मृत्यू झाला आहे. अॅन्टॉप हिलमधल्या सेक्टर 7 परिसरात ही घटना घडली आहे. इथं पाईपलाईनचं टाकण्याचं काम सुरु होतं, मात्र त्यावेळी तिथं बॅरिकेटिंग न केल्यानं दुर्घटना घडल्याचं बोललं जातं आहे. 12 वर्षीय यशकुमार चंद्रवंशी आणि 9 वर्षीय शिवम जैस्वाल अशी मृत मुलांची नावं आहेत. हे दोघं उद्यानात खेळत होते, त्यावेळी पाईपालाईन दुरुस्तीकरीता खणण्यात आलेल्या खड्ड्यात पडून त्यांचा मृत्यू झाला.