Mumbai Monorail suspended | MMRDA chief Sanjay Mukherjee यांची ABP Conclave मध्ये मोठी घोषणा, तांत्रिक बिघाडामुळे निर्णय

मुंबईतून एक महत्त्वाची बातमी समोर आली आहे. मुंबईतील मोनोरेल सेवा काही काळासाठी बंद ठेवण्यात येणार आहे. एमएमआरडीएचे प्रमुख संजय मुखर्जी यांनी एबीपीच्या कॉन्क्लेवमध्ये ही घोषणा केली. सततच्या तांत्रिक बिघाडामुळे हा निर्णय घेण्यात आल्याचे त्यांनी सांगितले. गेल्या काही दिवसांपासून मोनोरेलबाबत सातत्याने तक्रारी येत होत्या. भर पावसात मोनोरेल बंद पडल्याने अनेकांना श्वास घेण्यास त्रास झाला होता. काही दिवसांपूर्वीही मोनोरेलमध्ये तांत्रिक बिघाड झाल्याची तक्रार होती. या सर्व तक्रारींमुळे एमएमआरडीएने हा निर्णय घेतला आहे. "काही काळासाठी का होईना, पण मोनोरेलचं ऑपरेशन सर्विस जे आहेत त्या बंद करण्याचा निर्णय घेण्यात आलेला आहे," असे एमएमआरडीएच्या आयुक्तांनी सांगितले. यापूर्वी मोनोरेलचे संचालन एका वेगळ्या कंपनीकडे होते, मात्र आता एमएमआरडीए अंतर्गत ते चालते. मोनोरेल कधीपर्यंत बंद राहील, याची माहिती अद्याप देण्यात आलेली नाही. मुंबईकरांसाठी ही एक मोठी आणि महत्त्वाची बातमी आहे.