Bombay Stock Exchange शेअर बाजारात लक्ष्मीपूजन पूर्ण,6 वाजून 15 मिनिटांनी मुहूर्त ट्रेडिंगला सुरुवात

Diwali Muhurat Trading 2021 : आजपासून संवत 2078 ची सुरुवात झाली असून त्या निमित्ताने शेअर मार्केटमध्ये लक्ष्मीपूजनाचा कार्यक्रम आयोजित करण्यात आला होता. दरवर्षीप्रमाणे आजही एका तासासाठी मुहूर्त ट्रेडिंगचा (Muhurat Trading 2021) कार्यक्रम पार पडला असून त्यामुळे शेअर बाजारात काही प्रमाणात तेजी आल्याचं दिसून आलं आहे. शेअर मार्केटमध्ये सायंकाळी 6.15 वाजता मुहूर्त ट्रेडिंग सुरु होताच सेंसेक्स 295 अकांनी वधारुन तो 60,687.62 वर बंद झाला तर NSE निफ्टी 87 अंकांनी वधारुन 17,916.80 वर पोहोचला. या दरम्यान सेंसेक्सच्या सर्वच सेक्टरमध्ये गुंतवणूकदारांनी खरेदी केल्याचं दिसून आलं.