Lalbaugcha Raja Visarjan | भरतीमुळे विसर्जन रखडले, रात्री उशिरा होणार 'Lalbaugcha Raja' चे विसर्जन

लालबागच्या राजाच्या विसर्जनाची तयारी सुरू असताना, अरबी समुद्राला आलेल्या भरतीमुळे विसर्जन सोहळ्याला उशीर झाला. मुंबईत दोन दिवसांपासून सुरू असलेल्या पावसामुळे भरती लवकर आल्याने मंडळाला विसर्जनाचा निर्णय बदलावा लागला. सुरुवातीला विसर्जनाचा एक प्रयत्न करण्यात आला, परंतु "लालबागचा राजा हे करोडो भाविकांच्या श्रद्धा असतान्य" यामुळे तो प्रयत्न थांबवण्यात आला. मंडळाने उशिरा झालेल्या विसर्जनाबद्दल दिलगिरी व्यक्त केली आहे. तसेच, मुंबई महानगरपालिका प्रशासन, मुंबई पोलीस प्रशासन आणि माध्यमांचे सहकार्याबद्दल आभार मानले आहेत. विसर्जनासाठी नवीन पद्धतीचा तलाव आणि गाडी बनवण्यात आली आहे. कोळी बांधवांशी केलेल्या चर्चेनुसार, रात्री साडे दहा ते अकरा वाजता भरती ओसरल्यानंतर आणि ओहोटी सुरू झाल्यावर लालबागच्या राजाचे विसर्जन गिरगाव चौपाटी येथे अरबी समुद्रात होईल. मंडळाने सांगितले की, कोणतीही तांत्रिक अडचण नव्हती, केवळ नैसर्गिकरित्या भरती लवकर आल्याने हा विलंब झाला.