MIDC पेक्षा रहिवासी भागच स्थलांतरित करा, प्रदूषणकारी कंपन्यांच्या उलट्या बोंबा

डोंबिवली एमआयडीसीतील २१ प्रदूषणकारी कंपन्यांना राज्य सरकारने क्लोजर नोटीस बजावली होती. यानंतर या निर्णयाविरोधात प्रदूषणकारी कंपन्यांनी उलट्या बोंबा मारत चक्क सरकारविरोधात आंदोलन सुरू केलं आहे. कारखानदार आणि कंपन्यांची संघटना असलेल्या कामा संघटनेनं सरकारच्या निर्णयाला विरोध करत बेमुदत धरणं आंदोलन सुरू केलं आहे. कंपन्या बंद केल्यास कामगारांवर बेरोजगारीची कुऱ्हाड कोसळण्याची भीती व्यक्त करत आम्हाला सुधारण्याची एक संधी देण्याची मागणी कारखानदारांनी केली आहे. तर दुसरीकडे कंपन्या स्थलांतरित करण्याऐवजी एमआयडीसीला लागून असलेला निवासी भागच स्थलांतरित करण्याच्या उलट्या बोंबा कारखानदारांनी मारल्या आहेत.