Uddhav Thackeray Speech Shivaji Park : तुम्ही काठ्या घेऊन या, आम्ही तिरंगा घेऊन लढू, ठाकरेंचं चँलेज

Uddhav Thackeray Speech Shivaji Park : तुम्ही काठ्या घेऊन या, आम्ही तिरंगा घेऊन लढू, ठाकरेंचं चँलेज

दिल्लीमध्ये जंतरमंतरवर कॉंकरोच जनता पार्टीकडून केंद्रीय शिक्षण मंत्री धर्मेंद्र प्रधान यांच्या राजीनाम्यासाठी एल्गार सुरू असतानाच आता महाराष्ट्रामध्ये सुद्धा जोरदार आंदोलनं होत आहेत. आज शिवाजी पार्कवर पुन्हा एकदा विद्यार्थ्यांचा जनसागर उसळला. शिवसेना ठाकरे गटाकडून तिरंगा मोर्चा काढण्यात आला होता. या मोर्चाला अभूतपूर्व प्रतिसाद मिळाला. शिवाजी पार्कवरती तरुणाई एकवटली होती. या मोर्चामध्ये संबोधित करताना शिवसेना पक्षप्रमुख उद्धव ठाकरे यांनी पुन्हा एकदा भाजपला ललकारलं.उद्धव ठाकरे म्हणाले की, "या तिरंग्याशी लढत देण्याची आजपर्यंत कोणाची हिंमत झाली नाही. तुम्ही लाठ्या घेऊन या, बंदुका घेऊन या, आम्ही तुमच्यासमोर तिरंगा घेऊन आहोत. बघतो तिरंगा जिंकतो की तुमची हुकूमशाही," अशा शब्दांमध्ये ललकारलं. ते म्हणाले की, दिल्लीमध्ये ज्या पद्धतीने बेधुंद पद्धतीने विद्यार्थ्यांवरती लाठीहल्ला करण्यात आला, अश्रुधूर वापरण्यात आला, त्यावर मी सरकारला इशारा देतोय की, "तुमच्या हातामध्ये बंदुका असतील, तुमच्या हातामध्ये लाठ्या असतील, पण आमच्या हातामध्ये तिरंगा असल्याचं" उद्धव ठाकरे यांनी नमूद केलं.