BDD Chawl Redevelopment: 556 रहिवाशांना घरांच्या चाव्या, चावीवाटपाआधी नवीन घरांची पाहणी

बीडीडी चाळ पुनर्विकास प्रकल्पांतर्गत पहिल्या टप्प्यात म्हाडाकडून ५५६ रहिवाश्यांना घरांच्या चाव्यांचे वाटप करण्यात आले. मुख्यमंत्री फडणवीस यांच्या हस्ते हा सोहळा पार पडला. यावेळी दोन्ही उपमुख्यमंत्री उपस्थित होते. या सोहळ्यापूर्वी मुख्यमंत्री आणि उपमुख्यमंत्र्यांनी लाभार्थ्यांना मिळणाऱ्या संपूर्ण फ्लॅटची पाहणी केली. त्यानंतर मुख्यमंत्री आणि उपमुख्यमंत्र्यांनी एकत्र गाडीतून प्रवास केला. उपमुख्यमंत्री अजित पवार यांनी सांगितले की, ५५६ चाळवासियांना तेरा ते चौदा कोटी रुपये किंमतीची घरं मिळाली आहेत. बीडीडी चाळवासियांना मिळालेली ही घरं कोट्यवधींची आहेत. हा पुनर्विकास प्रकल्प अनेक वर्षांपासून प्रलंबित होता आणि आता पहिल्या टप्प्यातील रहिवाशांना त्यांचे हक्काचे घर मिळाले आहे. म्हाडाने या प्रकल्पाची अंमलबजावणी केली आहे.