Voter List Row: 'तुम्हाला फक्त Hindu-मराठी दुबार मतदार दिसतात का?', Raj Thackeray यांना थेट सवाल

राज्यातील दुबार मतदारांच्या (Duplicate Voters) मुद्द्यावरून भाजप (BJP) नेते आशिष शेलार आणि मनसे (MNS) अध्यक्ष राज ठाकरे यांच्यात नवा वाद पेटला आहे. 'राज ठाकरेजी, दुबार मतदार केवळ तुम्हाला मराठी माणूसच दिसतोय? दुबार मतदार तुम्हाला केवळ हिंदू माणूसच दिसतोय?', असा थेट सवाल आशिष शेलार यांनी पत्रकार परिषदेत केला. शेलार यांनी आरोप केला की, विरोधक केवळ पाटील आणि भोईर यांसारख्या आडनावांवरून हिंदूंना लक्ष्य करत आहेत, पण मुस्लिम दुबार मतदारांकडे सोयीस्करपणे दुर्लक्ष करत आहेत. यावर मनसे नेते संदीप देशपांडे यांनी प्रत्युत्तर देताना म्हटले की, शेलार वैफल्यग्रस्त असून चर्चेत राहण्यासाठी अशी वक्तव्ये करत आहेत. तर, आम्ही सगळ्याच दुबार मतदारांवर आक्षेप घेत आहोत असेही देशपांडे यांनी स्पष्ट केले. शिवसेनेचे (UBT) नेते अंबादास दानवे यांनी शेलार यांच्या भूमिकेचे स्वागत करत, त्यांनी याच मुद्द्यावर मोर्चा काढावा, असे आव्हान दिले आहे.