Thackeray brothers reunite | राज ठाकरेंना भेटण्यात अडचण नाही, 'ठाकरे' ब्रँड एकत्र!

सामनाच्या महामुलाखतीच्या दुसऱ्या भागात उद्धव ठाकरे यांनी राज ठाकरे यांच्या भेटीसंदर्भात महत्त्वाचे वक्तव्य केले आहे. राज ठाकरे आपल्याला फोन करू शकतात किंवा आपण त्यांना फोन करू शकतो, तसेच आपण आता भेटू शकतो, असे उद्धव ठाकरे म्हणाले. आम्ही दोघे भाऊ एकत्र आल्याने कोणाला काही अडचण आहे का, असा प्रश्न त्यांनी उपस्थित केला. ज्यांना अडचण आहे, त्यांनी त्यांच्या पोटदुख्या सांभाळाव्यात, असेही ते म्हणाले. आम्ही एकत्र आल्याने इतर भाषिकांनाही आनंद झाल्याचे उद्धव ठाकरे यांनी नमूद केले. एकत्र येण्यातील सकारात्मक बाजू आपण पाहत असल्याचे त्यांनी स्पष्ट केले. योग्य वेळी योग्य निर्णय घेतला जाईल, असेही त्यांनी सांगितले. मुंबईतील मराठी माणसाच्या लढ्याच्या संदर्भात आणि येणाऱ्या महापालिकेसंदर्भात राज ठाकरे यांच्याशी थेट चर्चा होणार का, या प्रश्नावर त्यांनी थेट चर्चा करण्यात कोणतीही अडचण नसल्याचे म्हटले. "आम्ही चोरून मारून भेटणारे टले नाहीयेत. भेटायचं असतं उघड भेटू," असे उद्धव ठाकरे यांनी ठामपणे सांगितले. ठाकरे ब्रँडबाबतही त्यांनी भाष्य केले.