Raj Uddhav Thackeray : ठाकरे बंधूंच्या युतीची चर्चा, पवारांची सहमती, काँग्रेसशी बोलणं सुरू

ठाकरे बंधूंच्या संभाव्य युतीबाबत राज्यामध्ये गेल्या अनेक दिवसांपासून चर्चा सुरू आहे. संजय राऊत यांनी एबीपी माध्यारच्या विशेष मुलाखतीमध्ये या युतीसाठी शरद पवारांची देखील सहमती असल्याचा दावा केला आहे. मुंबईत मनसे आणि शिवसेना एकत्र लढण्याची शक्यता असल्याचे राऊत म्हणाले. तसेच, काँग्रेसच्या हायकमांडशी युतीबाबत बोलणं सुरू असल्याचंही त्यांनी स्पष्ट केलं. त्यामुळे ठाकरे बंधूंची संभाव्य युती होणार असल्याचे संकेत पुन्हा एकदा संजय राऊतांकडून मिळाले आहेत. मुंबई महानगरपालिका आणि स्थानिक स्वराज्य संस्थांच्या निवडणुकांमध्ये इंडिया ब्लॉक आणि महाविकास आघाडी म्हणून एकत्र असतानाही, मुंबईतील ताकद शिवसेनेचीच असल्याचे राऊत यांनी नमूद केले. भारतीय जनता पक्षाकडे विशिष्ट वर्ग, पैसे आणि सत्ता असून त्यांना मुंबईवरील मराठी माणसाचा पगडा नष्ट करायचा आहे. तो टिकवण्यासाठी "हे काम फक्त राज ठाकरे आणि मादनीय उद्धव ठाकरे हे दोन बंधू एकत्र आल्यावरच आपल्याला करता येईल," असे राऊत म्हणाले. काँग्रेसलाही याची माहिती असल्याचे त्यांनी सांगितले.