Thackeray MP PC :ठाकरेंच्या खासदारांचं एकीचं बळ, मात्र पत्रकार परिषदेला 11 पैकी 8 खासदार उपस्थित

Thackeray MP PC :ठाकरेंच्या खासदारांचं एकीचं बळ, मात्र पत्रकार परिषदेला 11 पैकी 8 खासदार उपस्थित

Shivsena UBT MP Press नवी दिल्ली :  शिवसेना उद्धव बाळासाहेब ठाकरे पक्षाचे  6 खासदार एकनाथ शिंदेंच्या शिवसेनेत प्रवेश करणार असल्याच्या चर्चा सुरु झाल् या होत्या. त्यानंतर  शिवसेना उद्धव बाळासाहेब ठाकरे पक्षाचे खासदार अरविंद सावंत यांनी सर्व खासदारांसह राजधानी नवी दिल्लीत पत्रकार परिषद घेतली. अरविंद सावंत म्हणाले, ज्यांचं सरकारमध्ये त्रांगडं सुरु आहे, वाद सुरु आहेत, गंभीर वाद सुरु आहेत. या सगळ्याकडून दृष्टी दुसरीकडे वळवावी असा प्रयत्न केला जातो. त्यानुसार जाणीवपूर्वक सकाळी 7 वाजल्यापासून बातम्या कोणीतरी सोडण्यात आल्या आहेत, असं अरविंद सावंत म्हणाले. 

आपण सर्व जाणता सकाळपासून अशा प्रकारच्या बातम्या पसरवल्या जात आहेत. ज्यांच्या पायाखालची वाळू सरकलेय, एकमत नाही, सुसंवाद नाही, विंसवाद सुरु आहे. अनेक मंत्री गटांगळ्या खात आहेत. या सगळ्या बातम्या सातत्यानं दिसत असताना ते डायवर्ट करायचं यासाठी कुणीतरी पुडी सोडली आहे, असं अरविंद सावंत म्हणाले.