ShivRaj Rakshe Family| पंचांनी ठरवून केलं, शिवी द्यायची काय गरज होती? शिवराज राक्षेची आई म्हणाली

ShivRaj Rakshe Family| पंचांनी ठरवून केलं, शिवी द्यायची काय गरज होती? शिवराज राक्षेची आई म्हणाली

Maharashtra Kesari 2025 Ajit Pawar On Pruthviraj Mohol: पुण्याचा पैलवान पृथ्वीराज मोहोळ (Pruthviraj Mohol) यंदाचा महाराष्ट्र केसरी (Maharashtra Kesari 2025) किताबाचा मानकरी ठरला. अहिल्यानगरच्या बलभीम अण्णा जगताप क्रीडानगरीत 67 वी महाराष्ट्र केसरी कुस्ती स्पर्धा पार पडली. किताबासाठीच्या लढतीत मॅट विभागाचा विजेता मोहोळसमोर सोलापूरचा पैलवान आणि माती विभागाचा विजेता महेंद्र गायकवाडचं (Mahendra Gaikwad) आव्हान होतं. या चुरशीच्या लढतीत शेवटच्या क्षणी पृथ्वीराज मोहोळनं बाजी मारली. विजेत्या मोहोळला उपमुख्यमंत्री अजित पवारांच्या हस्ते मानाची चांदीची गदा प्रदान करण्यात आली. पृथ्वीराज मोहोळ महाराष्ट्र केसरीचा मानकरी ठरताच त्याच्या समर्थकांनी एकच जल्लोष केला.

यंदाच्या महाराष्ट्र केसरी कुस्ती स्पर्धेला वादाचं गालबोट लागलं. मॅट विभागाचा उपांत्य फेरीचा सामना नांदेडचा शिवराज राक्षे आणि पृथ्वीराज मोहोळ यांच्यात पार पडली. पण या लढतीच्या निकालावरुन जोरदार राडा झाला. पंचांनी शिवराज राक्षे चितपट झाल्याचा निर्णय दिला. पण हा निकाल मान्य नसल्याचं म्हणत राक्षेनं पंचांशी हुज्जत घातली. मात्र यादरम्यान त्याचा तोल सुटला आणि त्यानं थेट पंचांवर लाथ उगारली. यानंतर शिवराज राक्षे आणि महेंद्र गायकवाड तीन वर्षांसाठी निलंबित करण्याचा निर्णय कुस्तीगीर संघटनेने घेतला.