Sarvankar Fund Row | माजी आमदार सदा सरवणकरांच्या निधीच्या दाव्याने खळबळ

राज्यातील लोकप्रिय योजनांमुळे निधी मिळत नसल्याची तक्रार शिंदेंच्या शिवसेनेतील मंत्री आणि आमदार काही महिन्यांपूर्वी करत होते. आता शिंदेंच्या शिवसेनेच्या एका माजी आमदारानं निधीवरून मोठा दावा केला आहे. माजी आमदार सदा सरवणकर यांनी 'आत्ताच्या आमदाराला दोन कोटी मिळतात, मात्र मी आमदार नसतानाही मला वीस कोटी मिळतात' असे वक्तव्य केले आहे. पराभूत झालो तरी मुख्यमंत्री फडणवीस आणि उपमुख्यमंत्री शिंदे माझ्या पाठीशी असल्याचा विश्वास सरवणकरांनी व्यक्त केला. "मी पराभूतसुद्धा असल्यावरही जे देतो ते फडणवीस साहेब म्हणजे शिंदे साहेब. असे नसलेल्या आमदाराला दोन कोटी मिळाले तर मला नसतानाच सुद्धा वीस कोटी देत आहेत," असे सरवणकर म्हणाले. या दाव्यानंतर अनेक प्रश्न उपस्थित झाले आहेत. आमदार नसतानाही सदा सरवणकरांना कोणता आणि कसा निधी मिळाला, याची चौकशीची मागणी होत आहे. सरवणकरांच्या वक्तव्यावर ठाकरेंच्या शिवसेनेचे आमदार महेश सावंत आणि अखिल चित्रेंनी निशाणा साधला आहे. गिरीश महाजनांनी निधीच्या वरून चौकशीची मागणी केली आहे.