Ration Card Cancellation | रेशनकार्ड नियमावलीत मोठे बदल, 25 लाख डुप्लिकेट कार्ड समोर!

केंद्र सरकारने रेशनकार्डमधील अनियमितता रोखण्यासाठी कठोर पावले उचलली आहेत. यानुसार, ज्या रेशनकार्डधारकांनी सलग सहा महिने रेशन घेतले नाही, त्यांची रेशनकार्ड रद्द केली जातील. कार्ड रद्द झाल्यानंतर, पुढील तीन महिन्यांत घरोघरी जाऊन पडताळणी केली जाईल आणि ई-केवायसी (e-KYC) द्वारे पुन्हा पात्रता निश्चित केली जाईल. केंद्र सरकारने 22 जुलै 2025 रोजी 'लक्ष्यित सार्वजनिक वितरण प्रणाली (नियंत्रण) सुधारणा आदेश 2025' जारी केला आहे. या आदेशानुसार, रेशनकार्ड प्रणालीमध्ये सुधारणा करण्यात येणार आहेत. देशभरात 25 लाखांहून अधिक रेशनकार्ड डुप्लिकेट असल्याचेही समोर आले आहे. या डुप्लिकेट कार्ड्समुळे होणारा गैरवापर थांबवणे हा या नव्या नियमावलीचा मुख्य उद्देश आहे. यामुळे पात्र लाभार्थ्यांनाच रेशनचा लाभ मिळेल याची खात्री केली जाईल.