Language Politics: 'पहिली ते चौथी Hindi ची सक्ती नको', Raj Thackeray यांनी Narendra Jadhav यांना ठणकावले

मनसे अध्यक्ष राज ठाकरे (MNS President Raj Thackeray) आणि त्रिभाषा समितीचे अध्यक्ष नरेंद्र जाधव (Tribhasha Samiti Chairman Narendra Jadhav) यांच्यात महत्त्वपूर्ण बैठक झाली. 'हिंदी ही तिसरी भाषा म्हणून चालू शकेल, परंतु पहिली ते चौथी कुठल्याही प्रकारे हिंदीची सक्ती असता कामा नये,' असे स्पष्ट मत राज ठाकरे यांनी मांडल्याचे नरेंद्र जाधव यांनी भेटीनंतर सांगितले. राज्यातल्या शाळांमध्ये हिंदी भाषा सक्तीची करण्याच्या निर्णयाला मनसेने सुरुवातीपासून विरोध केला होता, त्यानंतर सरकारने नरेंद्र जाधव यांच्या अध्यक्षतेखाली त्रिभाषा समिती स्थापन केली होती. सुरुवातीला समितीच्या स्थापनेवर प्रश्नचिन्ह उपस्थित करणाऱ्या राज ठाकरेंनी आता समितीच्या कामावर समाधान व्यक्त केले असल्याचेही जाधव म्हणाले.