Raj Thackeray Meets Fadnavis : मुंबईच्या वाहतूक कोंडीवर चर्चा, 'कबूतरे-हत्ती' सोडून मूलभूत समस्यांवर लक्ष द्या!

राज यांनी वर्षा निवासस्थानी देवेंद्र फडणवीसांशी पन्नास मिनिटे चर्चा केली. या भेटीत मुंबईतील वाहतूक कोंडी, बेशिस्त पार्किंग, सरकारी जमिनींवरील झोपड्या आणि रस्ते कामातील भ्रष्टाचार यांसारख्या मूलभूत समस्यांवर लक्ष केंद्रित करण्यात आले. राज यांनी या समस्यांवर काही आराखडे आणि उपाययोजनांचे सादरीकरणही केले. मुंबई पोलीस आयुक्त आणि वाहतूक विभागाचे सहआयुक्तही या बैठकीला उपस्थित होते. राज यांनी सांगितले की, "आपण कबूतरे, हत्ती आणि इतर गोष्टींमध्ये आपण नुकतेच अडकलोय. की या ज्या मूलभूत समस्या ज्या आहेत. याच्याकडे थोडासंच लक्ष देऊया." त्यांनी बेशिस्त पार्किंगसाठी अधिक दंड आणि प्रसंगी कोठडीची शिक्षा आवश्यक असल्याचे मत मांडले. लहान मैदानांखाली पार्किंग व्यवस्था, पार्किंगसाठी वेगवेगळ्या रंगांचे मार्किंग आणि परराज्यातून येणारे लोंढे थांबवण्याचा आग्रह धरला. इतर शहरांचा योग्य विकास झाल्यास लोंढे थांबतील असेही त्यांनी नमूद केले. लोकप्रतिनिधींच्या 'इंच इंच विकू' या वृत्तीवरही त्यांनी टीका केली.