Pune Land Scam: 'मी काहीच व्यवहार केला नाही', निलंबित तहसीलदार Suryakant Yewale यांचा दावा

पुण्यातील कथित जमीन व्यवहार प्रकरणी मोठी कारवाई करण्यात आली असून, तहसीलदार सूर्यकांत येवले (Suryakant Yewale) आणि दुय्यम उपनिबंधक रवींद्र कारू यांना निलंबित करण्यात आले आहे. मुख्यमंत्री देवेंद्र फडणवीस (Devendra Fadnavis) यांच्या आदेशानुसार, अतिरिक्त मुख्य सचिव विकास खारगे (Vikas Kharge) यांच्या अध्यक्षतेखाली चौकशी समितीची स्थापना करण्यात आली आहे. यावर निलंबित तहसीलदार सूर्यकांत येवले यांनी प्रतिक्रिया देताना म्हटले आहे की, 'मी काहीच व्यवहार केला नाही आणि त्याबाबत मला काहीच माहित नाही'. येवले यांनी 'एबीपी माझा'शी बोलताना सांगितले की, त्यांना निलंबनाचा आदेश अद्याप मिळालेला नाही आणि त्यामुळे निलंबनाचे कारणही स्पष्ट नाही. हा व्यवहार दुय्यम निबंधक कार्यालयाशी संबंधित असून आपल्याकडून कोणतीही परवानगी दिली गेली नसल्याचा दावा त्यांनी केला आहे. आपल्याला बळीचा बकरा बनवले जात आहे का, यावर आदेश मिळाल्यावरच बोलू शकेन, असेही ते म्हणाले.