Pune Land Scam: 'व्यवहार रद्द झाला तरी कारवाई होणारच', मुख्यमंत्री Fadnavis यांचा थेट इशारा

पुण्यातील मुंढवा (Mundhwa) येथील जमीन घोटाळा (Land Scam) प्रकरणावरून राजकारण तापले आहे. या प्रकरणी मुख्यमंत्री देवेंद्र फडणवीस (Devendra Fadnavis), उपमुख्यमंत्री अजित पवार (Ajit Pawar) आणि मंत्री राधाकृष्ण विखे पाटील (Radhakrishna Vikhe Patil) यांनी प्रतिक्रिया दिल्या आहेत. 'चौकशीदरम्यान कोणाची नावं आली, त्यांचा संबंध आला तरी कारवाई होईल,' असं मुख्यमंत्री फडणवीसांनी ठणकावून सांगितलं आहे. मुंढवा येथील व्यवहार रद्द झाला असला तरी, यातील अनियमितता करणाऱ्यांवर फौजदारी कारवाई केली जाईल, असे मुख्यमंत्र्यांनी स्पष्ट केले. माझ्या या मताशी उपमुख्यमंत्री अजित पवारही सहमत असतील, असा विश्वास त्यांनी व्यक्त केला. दुसरीकडे, मंत्री राधाकृष्ण विखे पाटील यांनी अजित पवारांची पाठराखण केली आहे. दादांना या व्यवहाराची माहिती असती तर त्यांनी ते थांबवले असते, असे विखे पाटील म्हणाले. दरम्यान, उपमुख्यमंत्री अजित पवार यांनी हा संपूर्ण व्यवहार रद्द झाल्याची माहिती दिली आहे.