Ajit Pawar On Parth Pawar : जमीन व्यवहार प्रकरणात एकही रुपया देण्यात आलेला नाही

पुण्याचे पालकमंत्री आणि उपमुख्यमंत्री अजित पवार (Ajit Pawar) यांनी मुंडवा येथील वादग्रस्त जमीन व्यवहारावर पत्रकार परिषद घेऊन आपली भूमिका स्पष्ट केली. या प्रकरणात पैशांचा कोणताही व्यवहार झाला नाही आणि संबंधित कागदपत्रे रद्द करण्यात आली आहेत, असे त्यांनी सांगितले. 'माझ्या कुठल्याही नातेवाईकांशी संबंधित प्रकरण असले तरी अधिकाऱ्यांनी घाबरण्याचे काही कारण नाही, कायदा आणि संविधान श्रेष्ठ आहे,' असे अजित पवार यांनी ठामपणे सांगितले. या प्रकरणी मुख्यमंत्री देवेंद्र फडणवीस यांनी अतिरिक्त मुख्य सचिव (महसूल) विकास खारगे (Vikas Kharge) यांच्या अध्यक्षतेखाली एक उच्चस्तरीय चौकशी समिती नेमली आहे. ही समिती महिनाभरात आपला अहवाल सादर करणार आहे. हा व्यवहार महार वतनाच्या जमिनीशी संबंधित असून, तो रद्द करण्यात आल्याचेही समोर आले आहे. या प्रकरणी एफआयआर (FIR) देखील दाखल करण्यात आला आहे. आपण कोणत्याही चुकीच्या कामाला पाठिंबा देणार नाही आणि चौकशीतून 'दूध का दूध, पाणी का पाणी' होईल, असा विश्वास पवारांनी व्यक्त केला.