Pothole Menace: पुणे-बंगळूर महामार्गावर खड्ड्यांमुळे अपघात, दुचाकी घसरल्याचा थरारक Video समोर

पुणे-बंगळूर (Pune-Bangalore) महामार्गावर खड्ड्यांमुळे (Potholes) होणाऱ्या अपघातांचा (Accidents) मुद्दा पुन्हा एकदा समोर आला आहे. ‘महामार्गावरच्या खड्ड्यांमुळे अपघाताची संख्या दिवसेंदिवस वाढत आहे’. कोल्हापूरच्या (Kolhapur) दिशेने जात असताना शिये फाट्यानजिक एका दुचाकीस्वाराला खड्डा चुकवताना अपघात झाला. खड्ड्यामुळे दुचाकी घसरली आणि त्यावर स्वार असलेले पुरुष आणि महिला दोघेही जखमी झाले. ही संपूर्ण घटना मागून येणाऱ्या कारच्या डॅशकॅममध्ये (Dashcam) कैद झाली आहे. पावसाळ्याच्या दिवसांत महामार्गांवरील खड्ड्यांची समस्या अधिक गंभीर बनते, ज्यामुळे वाहनचालकांच्या जीवाला धोका निर्माण झाला आहे. या अपघातामुळे राष्ट्रीय महामार्गांवरील रस्त्यांच्या दुरवस्थेचा आणि देखभालीचा प्रश्न पुन्हा एकदा ऐरणीवर आला आहे.