Police Bharti Special Report : फाटक्या चपलातली दांडगी जिद्द, पोलिस भरतीवेळी थक्क करणारी घटना

Police Bharti Special Report : फाटक्या चपलातली दांडगी जिद्द, पोलिस भरतीवेळी थक्क करणारी घटना


“साहेब… शूज घ्यायला पैसे नव्हते… पण पोलीस होण्याचं स्वप्न आहे… ते पूर्ण करणार…”  अकोल्यातल्या नितीन नाथू चावरेचे मन गलबलून टाकणारे बोल....  या वाक्यातून पोलीस होण्याचा ध्यास आणि संघर्षमय प्रवास या दोन्हीचं दर्शन घडलं.  त्याचं झालं असं....  छत्रपती संभाजी नगरच्या एस आर पी एफ ग्राउंडवर वरणगाव एस आर पी एफ गट क्रमांक 20 साठी भरती प्रक्रिया सुरू होती....  खाकी वर्दीचं स्वप्न साकारण्यासाठी शेकडो तरुण मैदानावर होते....  कुणाच्या पायात महागडे शूज तर कुणी कसून तयारी करून सज्ज झालेलं....  या गर्दीत एक असा चेहरा होता....ज्याच्याकडे दुर्दम्य इच्छाशक्ती वगळता काहीच नव्हतं.   साध्या चपला घालून धावण्यासाठी तो मैदानात  उतरलेला...  इतक्यात एसआरपीएफचे संवेदनशील एसपी विक्रम साळी यांच्या दक्ष नजरेत ही बाब आली.   त्यांनी त्याला जवळ बोलावलं आणि विचारलं...   “चप्पलवर का धावलास?”  नितीन म्हणाला...  “साहेब… शूज घ्यायला पैसे नव्हते… पण पोलीस होण्याचं स्वप्न आहे… ते पूर्ण करणार…”  हे शब्द ऐकताच…  क्षणभर संपूर्ण मैदान स्तब्ध झालं…   आवाज बंद झाले…   हे केवळ एक उत्तर नव्हतं... जिद्दीचं दर्शन घडवणारं त्याच वेळी परिस्थितीची अगतिकता दाखवणारं हे वास्तव होतं.   जे डोळ्यातून वाहू लागलं.