#RamMandir | मुख्यमंत्री उद्धव ठाकरेंना अयोध्येला यायला निमंत्रणाची गरज नाही, अयोध्येचा रस्ता शिवसेनेनं तयार केला आहे - संजय राऊत

अयोध्येत राम मंदिराच्या भूमीपूजनाचा मुहूर्त ठरला, त्यानंतर आता चर्चा सुरु झालीय ती निमंत्रणाची. या ऐतिहासिक सोहळ्याला नेमकं कुणा-कुणाला बोलवायचं याची. ट्रस्टकडून काही नावं सांगितली जातायत, तर काही नावं केंद्र सरकारकडूनही येतायत. लालकृष्ण अडवाणी, मुरली मनोहर जोशी, उमा भारती यांनाही या सोहळ्याचं आमंत्रण दिलं जाणार असल्याची माहिती महंत नृत्यगोपाल दास यांनी दिली. पण उत्सुकता असेल ती मुख्यमंत्री म्हणून उद्धव ठाकरे यांना आमंत्रण दिलं जाणार का हे जाणण्याची, कारण रामजन्मभूमीच्या आंदोलनाशी शिवसेनेचंही गहिरं नातं आहे.