Urban Naxalism : 'नक्षलवादाला मोठा धक्का, कमांडर भूपती 60 साथीदारांसह शरण

गडचिरोलीत (Gadchiroli) नक्षलवादी चळवळीला मोठा धक्का बसला असून, कमांडर भूपती उर्फ मल्लोजुला वेणुगोपाल राव (Mallojula Venugopal Rao) याने ६० साथीदारांसह मुख्यमंत्री देवेंद्र फडणवीस (Devendra Fadnavis) यांच्यासमोर आत्मसमर्पण केले आहे. 'आता बंदुकीचा नक्षलवाद संपत आला आहे, पुढचा चॅलेंज हा शहरी नक्षलवाद आहे कारण हे शहरी नक्षलवादी भारताचं संविधान मानत नाहीत,' असं स्पष्ट मत मुख्यमंत्री देवेंद्र फडणवीस यांनी व्यक्त केलं आहे. तब्बल ४० वर्षे नक्षली चळवळीत सक्रिय असलेल्या आणि पॉलिटब्युरोचा सदस्य असलेल्या भूपतीवर विविध राज्यांमध्ये मिळून १० कोटी रुपयांपर्यंत बक्षीस होते. मुख्यमंत्र्यांसमोरच आत्मसमर्पण करण्याची अट भूपतीने घातली होती, जी पूर्ण करण्यात आली. या घटनेमुळे नक्षलवादाचा कणा मोडला असल्याचे मानले जात आहे. केंद्रीय गृहमंत्री अमित शाह यांनी मार्च २०२६ पर्यंत देश नक्षलमुक्त करण्याचं उद्दिष्ट ठेवलं आहे.