Nashik Water | नाशिकमध्ये दूषित पाणी,जलशुद्धीकरणाकडे दुर्लक्ष झाल्याचं उघड

नाशिक जिल्ह्यातील पंधरा तालुक्यांमध्ये जलस्त्रोतांच्या दूषित पाण्याची शक्यता वाढल्याने दोन हजार पाचशे सहा नमुन्यांची तपासणी करण्यात आली. या तपासणीत पाच टक्के पाणी दूषित आढळून आले आहे. नाशिकमधील शंभर चौदा जलस्त्रोतांमधील पाण्याचे नमुने दूषित आढळले आहेत. आरोग्य विभागाला प्राप्त झालेल्या अहवालानुसार, दूषित पाण्याच्या पाचशे त्रेसष्ट नमुन्यांपैकी पंचावन्न नमुन्यांमध्ये संबंधित ग्रामपंचायतींनी वीस टक्क्यांपेक्षा कमी क्लोरीनचा वापर केल्याचे समोर आले. सध्या एकोणऐंशी गावांमध्ये दूषित नमुने आढळले असल्याची माहिती जिल्हा आरोग्य प्रशासनाने दिली आहे. यामुळे नाशिकमधील ग्रामीण भागातील नागरिकांचे आरोग्य धोक्यात आले आहे. नाशिक शहराला लागून असलेल्या धुंडेगाव येथील पाण्याचा नमुनाही दूषित आला आहे. गेल्या दोन महिन्यांपासून सुरू असलेल्या मुसळधार पावसामुळे नदी-नाल्यांचे पाणी जलस्त्रोतांमध्ये मिसळल्याने हे अहवाल दूषित येत असल्याचे जिल्हा प्रशासनाने सांगितले. गावातील उपजिल्हा रुग्णालयात पोटदुखी, कावीळ आणि टायफॉईडचे संभाव्य रुग्ण आढळले आहेत. जिल्हा आरोग्य प्रशासनाने या संदर्भात प्रयत्न सुरू केले आहेत.