MNS MVA Alliance | काँग्रेसचा MNS ला नकार, ठाकरे बंधूंच्या युतीनंतर MVA चे काय?

काँग्रेसचे प्रदेशाध्यक्ष हर्षवर्धन सपकाळ यांनी मनसेला महाविकास आघाडीत घेण्यास स्पष्ट नकार दिला आहे. काँग्रेस आणि महाविकास आघाडीला नव्या भिडूची गरज नाही, असे सपकाळ म्हणाले. "नवीन भिडूची आवश्यकता ही काँग्रेसला नाही, महाविकास आघाडीला नाही," असे त्यांचे मत आहे. ठाकरे बंधूंच्या युतीची चर्चा सध्या सुरू आहे, त्यामुळे महाविकास आघाडीच्या भवितव्याकडे लक्ष लागले आहे. मनसे नेते अविनाश अभ्यंकर यांनी सांगितले की, मनसेकडून कोणीही युतीसाठी गेले नव्हते आणि राजसाहेब ठाकरेच पक्षाचा निर्णय घेतील. सध्याच्या भेटीगाठी कौटुंबिक स्वरूपाच्या आहेत, राजकीय नाहीत असेही अभ्यंकर म्हणाले. दुसरीकडे, उद्धव ठाकरे यांच्या शिवसेनेचे नेते सचिन अहिर यांनी स्थानिक पातळीवर वाटाघाटींचे महत्त्व अधोरेखित केले. काही विभागांमध्ये युती होऊ शकते, तर काही ठिकाणी नाही असे अहिर म्हणाले. मराठी मतांचे विभाजन टाळण्यासाठी मुंबई, पुणे, पिंपरी चिंचवड, ठाणे आणि कल्याण डोंबिवलीमध्ये मनसेसारख्या पक्षासोबत येण्याचा प्रयत्न राहील, असे राऊत साहेबांनी स्पष्ट केल्याचे अहिर यांनी नमूद केले.