Palash Muchhal and Mary Dcosata: पलाश मुच्छल अन् मेरी डिकॉस्टाचं अफेअर? मोबाईलवरचं सिक्रेट चॅटिंग सोशल मीडियावर व्हायरल
Palash Muchhal and Mary Dcosata: पलाश मुच्छल आणि मेरी डिकॉस्टा यांच्या अफेअरची सोशल मीडियावर जोरदार चर्चा. स्मृती मानधना आणि पलाश मुच्छल यांचं लग्न तुटल्याची माहिती समोर येत आहे.
Smriti Mandhana & Palash Muchhal: गेल्या काही दिवसांपासून बॉलीवूड इंडस्ट्री, क्रिकेटविश्व आणि सोशल मीडियावर प्रचंड चर्चा असलेले स्मृती मानधना आणि पलाश मुच्छल यांचे लग्न स्मृतीचे वडील श्रीनिवास मानधना (Shrinivas Mandhana) यांना छातीत दुखू लागल्याने अनिश्चित काळासाठी पुढे ढकलण्यात आले होते. आता हा लग्नसोहळा कधी होणार याबाबत उत्सुकता असतानाच एक धक्कादायक माहिती समोर आली आहे. स्मृतीच्या (Smriti Mandhana) वडिलांना हार्टअटॅक आल्याने हे लग्न पुढे ढकलण्यात आल्याचे कारण हे केवळ बाहेर दाखवण्यासाठी असून या सगळ्यामागे वेगळ्याच गोष्टी दडल्याची चर्चा कालपासून सोशल मीडियावर रंगली आहे. त्यानुसार पलाश मुच्छल (Palash Muchhal) याचे नृत्यदिग्दर्शक असणाऱ्या मेरी डिकॉस्टा (Mary Dcosata) या मुलीशी प्रेमसंबंध असल्याचे सांगितले जात आहे. लग्नाच्या आदल्या दिवशी पलाश मुच्छल आणि मेरी डिकॉस्टा यांचे मोबाईलवरील चॅटिंग लीक झाल्याने हे लग्न तुटल्याची चर्चा सोशल मीडियावर होत आहे.
पलाशने स्मृती मानधनाचा विश्वासघात केल्याचे आणि तो मेरी डिकॉस्टा या एका मुलीसोबत चॅट करत असल्याचे स्क्रीन शॉट सोशल माध्यमावर व्हायरल होत आहेत. पलाश मुच्छल आणि मेरी डिकॉस्टाचे चॅट हे स्मृती सोबत पलाशचे लग्न ठरल्यानंतरचे असल्याचे सांगितले जाते. या चॅटची abp माझा पुष्टी करत नाही. मात्र, या व्हायरल होत असलेल्या चॅटबाबत पलाश किंवा स्मृती मानधना यांच्याकडून कोणतेही भाष्य करण्यात आलेले नाही.
पलाशचे हे चॅट समोर आल्याने स्मृती आणि पलाशचे या कारणाने तर पुढे ढकलले नाही ना, असा प्रश्न सोशल माध्यमावर विचारला जात आहे. दरम्यान स्मृती मानधनाचे वडील श्रीनिवास मानधना यांना हॉस्पिटलमधून डिस्चार्ज मिळाला आहे. त्यांची तब्येत आता स्थिर असून कोणताही धोका नाही. डॉक्टरांनी केलेल्या अँजिओग्राफीमध्ये कोणताही ब्लॉकेज नसल्याचे स्पष्ट झाले आहे. त्यामुळे मानधना कुटुंबाने सुटकेचा निश्वास टाकला. त्यानंतर पलाश आणि स्मृती यांचे लग्न कधी होणार ही चर्चा रंगली असताना पलाश व मेरीचे चॅट समोर आल्याने याप्रकरणारे वेगळेच वळण घेतले आहे.
View this post on Instagram
Mary Dcosata news: मेरी डिकॉस्टा कोण?
मेरी डिकॉस्टा ही नृत्यदिग्दर्शक आहे. स्मृती मानधना आणि पलाश मुच्छल यांच्या लग्नसोहळ्यात दोघांच्या डान्सची कोरिओग्राफी मेरी डिकॉस्टा करणार होती. गेल्या काही महिन्यांपासून पलाश मुच्छल आणि मेरी डिकॉस्टा यांचे अफेअर सुरु असल्याची माहिती समोर आली आहे. या दोघांच्या चॅटिंगवरुन दोघांमध्ये बरीच जवळीक असल्याचे दिसत आहे.
आणखी वाचा
Before You Go
IPL 2026 : राजस्थान रॉयल्सने पंजाब किंग्सचा घरच्या मैदानावर पराभव करत विजयीरथ रोखला
महत्त्वाच्या बातम्या
