Marathwada Kunbi Certificate | प्रशासनाची लगबग, १७ सप्टेंबरला वाटप; अर्ज करण्याचे आवाहन

मराठवाड्यातील मराठा समाजाच्या नागरिकांना Kunbi प्रमाणपत्र देण्यासाठी प्रशासनाने तयारी सुरू केली आहे. Hyderabad Gazette च्या आधारे हे प्रमाणपत्र दिले जाणार आहे. १७ सप्टेंबर, म्हणजेच मराठवाडा मुक्तिसंग्राम दिनाच्या दिवशी या दाखल्यांचे वाटप करण्याचे नियोजन प्रशासनाने केले आहे. विभागीय स्तरावर यासाठी विशेष प्रयत्न सुरू आहेत. दाखले देण्याची प्रक्रिया प्रभावीपणे राबवण्यासाठी पुढील दोन दिवसांमध्ये तलाठी, ग्रामसेवक आणि सहायक कृषी अधिकारी यांना खास प्रशिक्षण दिले जाणार आहे. विभागीय आयुक्तांनी मराठा समाजातील नागरिकांना दाखले मिळवण्यासाठी अर्ज करण्याचे आवाहन केले आहे. अर्जांची छाननी केली जाईल. ज्यांच्याकडे सदुसष्ठ पूर्वीचा कोणताही पुरावा नव्हता, त्यांचे अर्ज वंशावळ समितीमार्फत ग्रामस्तरीय समितीकडे जातील. त्यानंतर त्यांच्या स्तरावर स्थानिक चौकशी करून अहवाल तहसीलदारांकडे सादर केला जाईल. तहसीलदारांकडून जिल्हाधिकारी किंवा प्रांतांच्या स्तरावर प्रमाणपत्र दिले जाईल. या प्रक्रियेत पुरावे नसलेल्या अर्जदारांसाठी विशेष मार्ग निश्चित करण्यात आला आहे.