Maha Civic Polls: स्थानिक निवडणुकांचा मुहूर्त ठरला, २ डिसेंबरला मतदान

राज्य निवडणूक आयुक्त दिनेश वाघमारे (Dinesh Waghmare) यांनी पत्रकार परिषद घेऊन महाराष्ट्रातील प्रलंबित स्थानिक स्वराज्य संस्थांच्या निवडणुकांच्या तारखा जाहीर केल्या आहेत. 'लोकसभा विधानसभा निवडणुकींबाबतीत मी काही कमेंट्स करणार नाही,' असे महत्त्वपूर्ण विधान वाघमारे यांनी दुबार मतदारांच्या प्रश्नावर केले. सर्वोच्च न्यायालयाने ३१ जानेवारी २०२६ पर्यंत निवडणुका घेण्याची अंतिम मुदत दिली असल्याचे त्यांनी स्पष्ट केले. घोषित कार्यक्रमानुसार, २ डिसेंबर २०२५ रोजी मतदान होणार असून, ३ डिसेंबर २०२५ रोजी मतमोजणी पार पडेल. मतदार यादीतील दुबार व तिबार नावे वगळून यादी शुद्ध करण्याचे काम सुरु आहे, तसेच पैसे आणि मद्य वाटपावर आचारसंहितेद्वारे कडक नजर ठेवली जाईल, असेही त्यांनी सांगितले.