High Alert : Delhi तील स्फोटानंतर मंदिरांची सुरक्षा वाढवली, Ayodhya आणि Shegaon मध्येही अलर्ट

दिल्लीतील स्फोटाच्या पार्श्वभूमीवर देश आणि राज्यभरात हाय अलर्ट जारी करण्यात आला असून महत्त्वाच्या मंदिरांची सुरक्षा व्यवस्था वाढवण्यात आली आहे. या अंतर्गत, अयोध्येतील श्री रामजन्मभूमी आणि बुलढाण्यातील शेगाव येथील गजानन महाराज मंदिरासह अनेक प्रमुख देवस्थानांवर सुरक्षा यंत्रणा अलर्ट मोडवर ठेवण्यात आल्या आहेत. वृत्तानुसार, 'दिल्लीतील स्फोट प्रकरणानंतर देशभरातील प्रमुख धार्मिक स्थळांवर हायअलर्ट जारी करण्यात आला आहे, आणि खबरदारीचा उपाय म्हणून महाराष्ट्रातील प्रमुख श्रद्धास्थानांची सुरक्षा मोठ्या प्रमाणावर वाढवण्यात आली आहे'. देशभरातून मोठ्या प्रमाणावर गर्दी होणाऱ्या सर्व महत्त्वाच्या मंदिरांवर पोलीस आणि सुरक्षा यंत्रणांनी बंदोबस्त वाढवला आहे.