Heavy Rain: हिंगोलीतील सेनगाव तालुक्यात मुसळधार पाऊस, नदी-नाले तुडुंब, गावकरी अडकले.

हिंगोली जिल्ह्यातील सेनगाव तालुक्यात आज सलग दोन तास मुसळधार पाऊस झाला. या पावसामुळे नदी-नाले तुडुंब भरून वाहू लागले आहेत. आजेगाव गावाजवळ असलेल्या आजेगाव ताकतोडा आणि शिंदे फळ चौकुलीवरून गावात येणाऱ्या पुलावर ओढ्याचे पाणी आले आहे. यामुळे पुलाच्या दोन्ही बाजूला गावकरी अडकून पडले आहेत. सकाळपासूनच शेतामधील काम बंद असल्यामुळे शेतकरी आणि कामगार आपल्या घराकडे परतले आहेत. पावसामुळे परिसरातील जनजीवन विस्कळीत झाले आहे.