Farmer Aid Row: ‘तुमच्यामुळे 6 रुपये मिळाले’, Uddhav Thackeray यांच्या दौऱ्यात शेतकऱ्याचा संतप्त सवाल

माजी मुख्यमंत्री उद्धव ठाकरे (Uddhav Thackeray) मराठवाड्यातील (Marathwada) नुकसानग्रस्त शेतकऱ्यांच्या भेटीसाठी दौऱ्यावर आहेत. छत्रपती संभाजीनगरमध्ये (Chhatrapati Sambhajinagar) एका शेतकऱ्याने सरकारी मदतीची पोलखोल केली, ‘तुमच्यामुळे मला ते सहा रुपये मिळाले, नाहीतर मला वाटत नव्हतं की सरकार पैसे देईल’, अशी संतप्त प्रतिक्रिया एका शेतकऱ्याने दिली. उद्धव ठाकरे यांनी शेतकऱ्यांच्या समस्या जाणून घेत सरकारवर जोरदार टीका केली. 'रेशन दुकानात किडलेले धान्य खायला देता, लाज वाटत नाही?' असा सवाल त्यांनी सरकारला विचारला. जोपर्यंत शेतकऱ्यांच्या मागण्या मान्य होत नाहीत, तोपर्यंत शांत बसणार नाही, असे आश्वासन ठाकरे यांनी दिले. त्यांनी शेतकऱ्यांना संपूर्ण कर्जमाफी आणि हेक्टरी ५०,००० रुपयांची मदत देण्याची मागणी केली आहे.