Wildlife Sighting: Umred Karhandla मध्ये F2 वाघिणीचा ५ बछड्यांसह मुक्त संचार, पर्यटक सुखावले

नागपूर जिल्ह्यातील उमरेड-कऱ्हांडला अभयारण्यात (Umred Karhandla Wildlife Sanctuary) F2 नावाची वाघीण तिच्या पाच बछड्यांसह पर्यटकांना आकर्षित करत आहे. अभयारण्याच्या गोठणगाव प्रवेशद्वाराजवळील (Gothangaon Gate) परिसरात या वाघिणीचा तिच्या बछड्यांसह मुक्त संचार पाहायला मिळत असून, ही दृश्ये पर्यटकांसाठी आकर्षणाचा केंद्रबिंदू ठरली आहेत. 'उमरेड कऱ्हांडला अभयारण्यातील गोठणगाव गेट जवळ सध्या एक वाघीण आणि तिचे पाच बछडे पर्यटकांना भुरळ घालत आहेत.' या वाघिणीच्या दर्शनामुळे अभयारण्यात येणाऱ्या पर्यटकांच्या संख्येत वाढ झाली आहे. मात्र, डिसेंबर २०२४ मध्ये पर्यटकांनी या वाघिणीला आणि तिच्या बछड्यांना वाहनांनी घेरल्याची घटना घडली होती, ज्याची दखल उच्च न्यायालयाने घेतली होती.