Suresh Dhas Meet Sapanda Munde Family : सुरेश धसांकडून डॉ. संपदा मुंडेंच्या कुटुंबांचं सांत्वन

बीड (Beed) जिल्ह्यातील डॉ. संपदा मुंडे (Dr Sampada Munde) यांच्या साताऱ्यातील आत्महत्या प्रकरणामुळे (Satara Suicide Case) खळबळ उडाली असून, आमदार सुरेश धस (MLA Suresh Dhas) यांनी या प्रकरणी आक्रमक भूमिका घेतली आहे. 'चौकशी समितीपुढे संपदा मुंडे यांनी दिलेल्या स्टेटमेंटमधील प्रत्येक उल्लेखाची चौकशी झाली पाहिजे', अशी स्पष्ट मागणी आमदार सुरेश धस यांनी केली आहे. मृत डॉक्टरने अनेकदा वरिष्ठांकडे तक्रार करूनही दखल न घेतल्याने दोषींवर कडक कारवाई करण्यात यावी, यासाठी आपण उद्या उपमुख्यमंत्री देवेंद्र फडणवीस (Deputy CM Devendra Fadnavis) यांची भेट घेणार असल्याचे धस यांनी सांगितले. तसेच, पीडित कुटुंबाचा जबाब घेण्यासाठी सातारा पोलिसांनी बीडमध्ये यावे, अशी मागणीही त्यांनी केली आहे.