Amravati : राष्ट्रसंत तुकडोजी महाराज यांचा ५३वा पुण्यतिथी महोत्सव संपन्न, हजारो भक्तांची श्रद्धांजली

अखिल विश्वाला मानवतेचा संदेश देणारे राष्ट्रसंत तुकडोजी महाराज यांचा ५३वा पुण्यतिथी महोत्सव अमरावतीच्या मोझरी इथं संपन्न झाला. तुकडोजी महाराजांचे विचार आणि कार्याने प्रेरित झालेले देशभरातील त्यांचे अनुयायी या दिवशी एकत्र येत असतात. हजारो गुरुदेव भक्तांनी गुरुकुंज मोझरीमध्ये तुकडोजी महाराज यांना मौन श्रद्धांजली वाहिली. यावेळी देशासाठी शहीद झालेले जवान आणि कोरोना काळात जीव गमावणाऱ्या कोरोना योद्ध्यांनाही यावेळी श्रद्धांजली वाहण्यात आली. महिला आणि बालकल्याणमंत्री यशोमती ठाकूरही यावेळी उपस्थित होत्या.