DCM Eknath Shinde PC FULL : निरपेक्ष काम कसं करावं ते संघाकडून शिकावं - एकनाथ शिंदे

DCM Eknath Shinde PC FULL : निरपेक्ष काम कसं करावं ते संघाकडून शिकावं - एकनाथ शिंदे 

भाजपसह (BJP) सहयोगी पक्षाचे आमदार आज राष्ट्रीय स्वयंसेवक संघाच्या (RSS) हेडगेवार स्मृती भवन परिसराला भेट देत आहे. सोबतच शिवसेना (Shiv Sena) आणि राष्ट्रवादी काँग्रेस (NCP) या मित्रपक्षांच्या आमदारांनाही संघाकडून निमंत्रण देण्यात आले आहे. हिवाळी अधिवेशनाच्या (Maharashtra Assembly Winter Session 2024) काळात भाजपचे आमदार दरवर्षी अधिवेशन सुरू असताना एक दिवस सकाळी संघाच्या हेडगेवार स्मृती भवन परिसराला भेट देतात.  यावेळी आमदार संघाचे आद्य सरसंघचालक डॉ. हेडगेवार तसेच द्वितीय सरसंघचालक गोळवलकर गुरुजी यांच्या स्मृती स्थळाचे दर्शन घेतात. यावेळी संघाचे पदाधिकारी आमदारांना संघाच्या कार्याची माहिती देऊन बौद्धिक मार्गदर्शनही करतात. या स्मृती स्थळाचे दर्शन घेण्यासाठी भाजप आणि शिवसेनेचे नेते दाखल झाले आहेत. मात्र उपमुख्यमंत्री अजित पवार आणि त्यांचे आमदार येथे येणार का? याकडे आता सर्वांचे लक्ष लागले आहे.  

उपमुख्यमंत्री एकनाथ शिंदे, शंभूराज देसाई, पंकज भोयर, धूर्वे , चित्रा वाघ, जयकुमार रावल (यवतमाळ), श्रीकांत भारतीय, शिवेंद्र राजे भोसले, संजय राठोड, गणेश नाईक, संजय उपाध्याय, उदय सामंत, गिरीश महाजन, संभाजी निलंगेकर, राम शिंदे, निलेश राणे, चंद्रशेखर बावनकुळे, प्रताप सरनाईक, मंगलप्रभात लोढा, नीलम गोऱ्हे, संजय शिरसाट, प्रसाद लाड, प्रवीण दरेकर, श्वेता महाले, नितेश राणे यांच्यासह शिवसेना आणि भाजपचे आमदार स्मृती स्थळाचे दर्शन घेण्यासाठी दाखल झाले आहेत.